Fundashon Zorgcocon

Kuido pa Anciano

  

Bo tin mas ku 50 aña i bo ke hasi algu ku otronan òf kuminsá ku algu otro? Bo ta keda kordialmente invitá pa pasa serka nos na Korona di Sabiduria woonzorgcomplex de Beukelaar. Aki bo por partisipá den e proyekto di bibienda spesial dirigí riba grandinan ku un background Antiano, Arubano i Suramerikano. E "Pasa dia pa grandinan Korona di Sabiduria" aki ta brinda bo e oportunidat pa topa konosínan ku masha tempu bo no a topa i tambe chèns pa bo por rekordá momentunan di ántes. Ki bo ta pensa di kanta huntu, kushina i kome huntu?

Pasa dia pa grandinan ta habri 2 bia pa siman riba djamars y djawebs di 9:00 or pa 16:00 or.

Informashon relevante:

Aktividatnan  Pasa dia pa grandinan

Dikon un " Pasa dia pa grandinan" den ambiente di nan mes kultura?

Grandinan ta haña nan mes kultura i kustumbernan hopi importante. E nesesidat pa yega na un punto di enkuentro ta subiendo. Ta p'esei  huntu ku nan i St. Laurens a yega na un punto pa enkuentro pa grandinan.  Den un sala agradabel grandinan por partisipá na diferente aktividatnan bou di guia di personanan di nan mes kultura. Komo bishitante bo por tuma parti na e deliberashonnan pa  yega na e aktividat di e dia ei. Esei por ta kantamentu te na kushina i kome huntu. Tambe ta duna atenshon na e tópikonan importante  di bida. Huntu boso por papia ofer di salú i fasilidatnan. Naturalmente e bishitante nan por trese nan mes tema dilanti.

Pa ken?

" Pasa dia pa grandinan" ta pa grandinan Antiano, Arubano i Suramerikanonan ku:

  • Ta desaroyando un problema ku pèrdida di memoria
  • Tin difikultat pa strukturá nan dia i oranan liber
  • Ta sinti nan so òf tristu
  • Tin difikultat pa sera amistatnan nobo

Di e manera aki e " Pasa dia pa grandinan" ta suavisá e kuido intensivo di e personanan ku ta duna kuido,  famianan i òf amigunan.

Kosto pa e partisipantenan

Si bo tin e aprobashon di CIZ pa kuido e or'ei bo no mester paga pa partisipá. Si bo no tin e aprobashon di CIZ nos lo yuda bo pa hasi petishon esaki. Bo por hasi esaki tambe via bo dòkter di kas òf trahadó sosial. Sin aprobashon di CIZ tambe bo ta bon bini. Bo por hasi uso di e "trayekto di enkuentro" di Zorgcocon Kwido pa Anciano. Bo partisipashon ta kosta € 3.50.

Di porta pa porta

Ta difísil pa bo yega na " Pasa dia pa grandinan"? Ta posibel pa haña un transporte pa buska bo  i tambe pa hiba bo kas bèk. No tin ningun gastu mara na esaki. Pero bo mester tin e aprobashon di CIZ ("Centraal Indicatieorgaan Zorg"). Gustosamente nos lo por yuda bo pa hasi petishon di esaki.

http://www.laurens.nl/verwijzers/locaties/de-beukelaar

Informatie over Laurens De Beukelaar in het Papiamento